Rudina Hajdarit, deputetja e Partisë Demokratike e ftuar në “Open” ka shuar zërat se do të formojë një parti të re.
“Nuk besoj se është momenti për këtë gjë. Unë besoj se është koha e duhur për të bërë disa reforma të rëndësishme, si ajo e Kodit Zgjedhor, që do të sjellë shumë ndryshime, e ndoshta edhe ndryshim të sistemit politik. Ajo që dua unë të shoh është të kemi një tryezë që përfshin të gjithë faktorët politik, që të flasë për një reformë të thellë qoftë për partitë politike, ashtu dhe për Kodin Zgjedhor”, tha më tej Hajdari.
E kritikuar për artikulim jo të mirë nga Anila Basha, deputetja e PD-së thotë se gjithçka vjen si pasojë e të jetuarit për një kohë të gjatë jashtë. “Ndoshta komunikimi im ka ndonjë të metë, por më mirë me një të metë të tillë, por që flet sinqerisht”, tha ajo. Por si do të bindë popullin dhe të tjerët, ta votojnë atë për drejtimin e një opozite, qoftë edhe të vogël? “Nëse më jepet mundësia, ndaj jam këtu, do t’iu kërkoj të tjerëve të më besojnë për ndryshimin e vendit”.