Kreu i Partisë Demokratike, Sali Berisha ka hedhur sërish akuza në drejtim të kryeministrit Edi Rama, si përgjegjësin e sulmit në protestën e 6 dhjetorit.
Sipas Berishës, autori, Gerti Shehu ishte informator i policisë dhe përdorej për të çmontuar bandat e drogës.
“Pas përpjekjesh të jashtëzakonshme, ai ka humbur betejën. Tani nëpërmjet procesit gjyqësor kërkon që të marrë drejtimin e PD dhe në një akt kriminal organizoi atentat me një kamikaz pa eksploziv ndaj Sali Berishës. Edi Rama sipas disave ishte njeriu më i painteresuar. Unë u them se nuk ka në Shqipëri një të dytë që i intereson më shumë. Në Ballkan është Vuçiçi. Mendoi se në zhurmënajën e samitit do i japë një goditje kundërshtarit politik. Atij opozita i ka dalë duarsh, nuk e kontrollon më. Ata që mendojnë se Edi Rama nuk ishte i interesuar bëjnë naivin dhe dudumin. Në vitin 2013 tha 1 milionë shuplaka. Mund të ishin dafina. Por ishin shuplaka. Por që nga ajo kohë e kam ndjekur dhe e kam denoncuar. Ata që bëjnë avokatinë e porositësit e të krimit janë të dështuar. Ai e faktoi, përdori 70 kg ndaj një hoteli. Ai që e bëri në prag të Samitit e bëri që të jehonte sa më pak. A e akuzoj unë Edi Ramën se është porositësi i krimit vetëm nga logjika? Jo, nuk e bëj këtë. Mua më intereson e vërteta. Një akuzë pa baza nuk i shërben as shoqërisë shqiptare, e akuzoj se personi i cili kreu krimin, kamikazi i Edi Ramës ishte dhe është informator i Policisë Kriminale”, deklaroi Berisha.