Tifozët marokenë kanë qenë të shumtë dhe të zhurmshëm në mbështetje të kombëtares së tyre që prej ndeshjeve të grupeve, ndërsa në gjysmëfinalen e kombëtares së udhëhequr nga Mbappe pritet të jenë edhe më të shumtë.
Në koordinim me FIFA-n, Federata e Futbollit në Marok ka arritur të sigurojë 10 mijë bileta, të cilat do t’i jepen falas tifozëve marokenë.
Bëhet fjalë për pjesën e biletave që kanë mbetur të pashitura. Shumë tifozë kanë përfituar edhe nga lehtësirat e dhënë nga kompania ajrore kombëtare, duke siguruar 30 fluturime “charter nga Kazablanka në Doha.
Rreth 50 mijë tifozë kanë marrë një mesazh befasues këtë mëngjes, ku i thuhej nga kompania Royal Air Maroc se të gjitha fluturimet për në Doha janë anuluar. Në mediat lokale në Marok raportohet se 10 fluturime drejt Dohas janë nisur një ditë më parë.