Në mbledhjen e Kryesisë së PD-së, kreu i Partisë Demokratike Sali Berisha u bëri thirrje anëtarëve dhe simpatizantëve të Partisë Socialiste që të mos pranojnë sipas tij “diktatin” nga Edi Rama.
Berisha theksoi po ashtu se socialistët nuk duhet të bien “pre” e mashtrimit nga kryetari i kësaj force politike i cili u ka hequr dhe të drejtën për të votuar në forumet e tjera.
“Kjo përbën një arritje të madhe për Partinë Demokratike, për vendin në të cilin jashtë kësaj partie, PD ngjason me ishull ku drita e votës përcakton dhe ndriccon jashtë saj është terri i shpellës më i zi se kudo në partinë e drogës, krimit dhe mafies me në krye Edi Ramën. Aty nuk votohet, rryshfetohet, paguhet, diktojnë bandat dhe krimi. Mund të them me bindje të plotë se ajo parti është një fatkeqësi e madhe kombëtare, është potencial i jashtzakonshëm i një force anti-demokratike. Ndaj ftoj me këtë rast anëtarët e kësaj partie të mos pranojnë këtë diktat të një njeriu që ka kthyer platformën e Enver Hoxhës brenda partisë sepse nuk do të jetë e largët dita kur do të ndihen të damkosur.
Shqiptarët janë ata të cilët e pësuan më shumë se kushdo tjetër në Evropë delegimin e ndërgjegjies, sicc po ndodh de facto tani në PS, është dorëzim para krimit drogës dhe mafies dhe ajo sjell vetëm të zeza për partinë Socialiste dhe vendin, anëtarësinë e saj. U them socialistëve mos u mashtroni. U them socialistëve mos u mashtroni dhe u rikujtoj këtu se disa vite më parë vendosi nenin sipas të cilit, për kryetarin nuk votohet, kur ai zgjidhet. Por ai po vjedh votën. Tani ai ju hoqi të drejtën edhe për të gjithë forumet e tjera”, tha Berisha.