Autoritetet malazeze kanë goditur një organizatë kriminale që dyshohet se ka kontrabanduar një sasi prej rreth 1 ton marihuanë nga Shqipëria drejt Malit të Zi dhe më pas drejt vendeve të Bashkimit Europian.
10 persona kanë rënë në pranga ndërsa janë nën hetim edhe 18 të tjerë të cilët dyshohet se janë anëtarë të organizatës kriminale për prodhim, mbajtje dhe shpërndarje droge. Arrestimet janë kryer edhe në zonën e Herceg, Novi, Podgoricë, Kolashin dhe Budva. Në total janë kryer bastisje në 14 qytete. Mes anëtarëve të bandës të vënë nën hetim, 4 prej tyre janë të arrestuar dhe po vuajnë dënimin me burg, ndërsa dy të tjerë janë në paraburgim për kryerjen e veprave penale në vitet 2021-2022.
Raportohet se sasia e kanabisit të sekuestruar arrin në 1 ton. Kanë qenë autoritetet malazeze ato që kanë bërë me dije për organizimin e një aksioni të tillë në Mal të Zi.