Për gazetën gjermane, “Der Spiegel”, kryeministri i Kosovës, Albin Kurti akuzoi edhe një herë Serbinë si përgjegjëse për situatën në veri të vendit, si rezultat i panikut të Beogradit.
Për të e gjitha kjo vjen pasi Shtetet e Bashkuara të Amerikës dhe Bashkimi Europian e kanë vënë në një situatë të vështirë Serbinë për të zgjedhur se cilën anë do të mbajë mes Rusisë dhe Perëndimit.
“Vuçiç synon të kthejë të kaluarën, por kjo është e pamundur. Ky tren ka ikur. Gjykata Ndërkombëtare e Drejtësisë ka vendosur në favor të deklaratës sonë të pavarësisë. Nuk ka gjykatë më të lartë në këtë planet”, u shpreh Kurti.