Amerikani Brandon Reynolds tha se e kishte një shprehi që e qetësonte. Sa ishte në mitër, zemra e vajzës së tij kishte një vrimë, dhe kohë pas kohe ai do ta vendoste veshin e tij në gjoksin e saj për të dëgjuar dhe ndierë mrekullinë e rrahjes së zemrës.
“E ndieja një qetësi”, i tha Reynolds policisë pasi ekipet emergjente u përpoqën ta shpëtojnë vajzën e tij 5-vjeçare në shtëpinë e tij në Albuquerque të SHBA-së mëngjesin e së premtes. Emergjenca e gjeti atë në gjendje të arrestit kardiak dhe pa puls, shkruan “Independent”.
Por shenjat e keqtrajtimit fizik alarmuan mjekët ndihmës, të cilët e thirrën policinë. Vajzës I ishte rikthyer pulsi dhe u transferua në spitalin e Universitetit të Nju Meksikos ku edhe vdiq, sipas një ankese penale të siguruar nga “The Washington Post”.
Reynolds është akuzuar të premten për abuzim të qëllimshëm me të mitur duke shkaktuar vdekjen e një fëmije, thanë autoritetet, dhe tregimi i tij filloi të dalë në pah në një intervistë të regjistruar në stacionin policor.
Vajza e tij ishte duke u shkolluar në shtëpi dhe ajo i kryente detyrat e shtëpisë në kompjuter. Ajo i tha babait se nuk dëshironte t’i kryente detyrat e shtëpisë atë natë.
“Ajo përgjigje më bëri të reagoj”, tha Reynolds.
“Në atë çast u shfaq disiplina” u tha ai hetuesve. Ai e goditi atë me një këpucë para se ta humbte kontrollin, derisa ai e kuptoi se ajo ishte pa vetëdije dhe e tërhoqi atë në dyshemenë e dhomës së ndejës.
Zyrtarët policorë thanë se brenda shtëpisë e kanë pare një skenë të dhunshme dhe të paimagjinueshme. Kishte gjak në mur dhe në dysheme, dhe Reynolds e thirri nënën e vajzës së tij për t’i treguar për incidentin, përderisa zyrtarët policorë ishin akoma aty.
Është akoma e paqartë nëse Reynolds do të përfaqësohet në gjykatë nga ndonjë avokat.
Një fqinje i tha një gazetari se ajo ishte kujdesur për fëmijën kohë pas kohe. Ato ia lyenin thonjtë njëra tjetrës. “Ajo ishte një engjëll i vogël. Ajo nuk e ka merituar këtë”, tha ajo.