Në mbledhjen e Këshillit Kombëtar, Sali Berisha akuzoi kryeministrin Rama se kërkon ta shuajë PD-në.
Kreu i Partisë Demokratike iu ka bërë thirrje të gjithë demokratëve që në fillim të janarit të fillojnë nga puna për organizimin e kësaj force politike. Ai shtoi se duhet një organizim i fuqishëm i PD që të fitojnë zgjedhjet lokale.
“Viti i ri kërkon nga ju që te ketë për kryefjalë organizimin. Duhet të organizohemi në çdo qelizë, kjo është përcaktuar sot në betejën elektorale. Ne hyjmë në betejë dhe suksesi do përcaktohet nga organizimi ynë në nivel seksioni, nga lufta që duhet t’i bëjmë fiktivitetit. Tani të zbresim tek seksionet, të bëjmë bilancin dhe të shkëputemi nga çdo lloj fiktiviteti. Ndaj, kandidatët i kemi i kemi zgjedhur në mënyrë demokratike, kundërshtari është i tmerruar nga kandidatët tanë dhe procedura, por kjo nuk mjafton. Duhet organizim, fillohet me ndarje pune për çdo seksion të deleguari. Ndeshjen e fuqishme në këto zgjedhje do e fitojmë, por ne kemi dhe betejën me Ramën. Ne duhet të bëjmë gjithçka për fushatë elektorale model, të fuqishme”, u shpreh Berisha.