“Do flas pas pak, jam i lumtur që ndodhem këtu”, tha shkurt kryeministri grek Kyriakos Mitsotakis për gazetarët, pasi mbërriti me helikopter në Himarë, në vizitën e tij të parë në jugun e Shqipërisë. Helikopteri i tij është ulur në stadiumin e Himarës “Petro Ruçi”, ku është pritur me lule ndërsa pranë i qëndrojnë deputeti Vangjel Dule dhe Fredi Beleri.
Pas vizitës në shkollën Omiros, Presidenti grek do vizitojë dhe Kishën dhe më pas do të bëjë një shëtitje në shëtitoren e Himarës, ku do të takohet me banorët. Një ndalesë e Mitsotakis do të jetë dhe në zyrat e Omonias.
Në Livadh do të ketë një tjetër vizitë dhe më pas do të udhëtojë drejt Derviçanit në Gjirokastër, ku ndodhet po ashtu një pjesë e minoritetit grek në Shqipëri. Pas këtyre vizitave, kryeministri i Greqisë do të takojë kryeministrin Edi Rama.
