Ditën e djeshme, një autobus me 47 pasagjerë, të gjithë me kombësi greke, u aksidentuar në Bukuresht të Rumanisë. Nga përplasja e fortë, një person humbi jetën, ndërsa 24 mbetën të plagosur.
Ministria e Shëndetësisë në Rumani njofton se një grua rreth 30 vjece është në gjendje të rëndë, ndërsa në spital janë 21 të tjerë, jashtë rrezikut për jetën.
Përshkrimet e atyre që përjetuan minutat e tmerrit janë vërtet tronditëse.
“Sapo morëm kthesën, papritmas ndjeva një zhurmë, ndjeja një peshë në shpinë. Fillova të bërtas, nuk merrja dot frymë”, tha një dëshmitare.
“Ishte si një masakër. Po shihja gjak kudo, njerëzit po qanin, pa kuptuar se çfarë po ndodhte”, u shpreh një tjetër.