Një ekip i KFOR-it është sulmuar në Zubin-Potok të dielën në mbrëmje. Nuk është raportuar për të lënduar, raporton gazeta Koha. Pjesëtarët e KFOR-it të cilët raportohet se janë sulmuar janë nga Letonia.
Të dielën janë bërë 16 ditë që nga vendosja e barrikadave në veri nga serbët lokalë, pas arrestimit të ish-policit Dejan Pantiç.
Qeveria ka thënë se janë në pritje të KFOR-it për heqjen e barrikadave. Në anën tjetër, KFOR-i ka thënë se barrikadat duhet të hiqen me dialog. Kryeministri Albin Kurti ka thënë se do të bisedojë me komandantin e KFOR-it pas festës së Krishtlindjes.