Shefi i shtabit të ushtrisë serbe, gjenerali Milan Mojsiloviç, pas takimit me presidentin serb, ka thënë se është nisur “urgjentisht për në Rashkë”.
Presidenti i Serbisë, Aleksandër Vuçiç, të dielën e 25 dhjetorit ka zhvilluar një takim me kryeministren serbe, Ana Bërnabiç dhe udhëheqësit e ushtrisë serbe.
“Sapo përfundova një takim me komandantin e përgjithshëm dhe tema ishte Kosova. Nuk mund t’iu them detajet e takimit tonë. Përfundimi është se aktualisht jam në rrugë dhe po udhëtoj për në Rashkë”, është shprehur Mosjiloviç,shkruan Danas.
“Detyrat që kemi marrë ne ushtria serbe dhe unë janë të sakta, të qarta dhe do të zbatohen plotësisht. Situata është komplekse”, ka përfunduar ai.