Një ngjarje e rëndë është shënuar në Itali. Djali i zv/kryeministrit të Italisë, Matteo Salvini është grabitur dhe kërcënuar nga dy afrikano-veriorë në rrugë. 19-vjeçari Federico Salvini u kërcënua me një shishe të thyer, teksa ishte vetëm në rrugë, e më pas i është marrë telefoni.
Ngjarja ndodhi të premten orës 21:00 pranë Pio Albergo Trivulzio në perëndim të Milanos. Matteo Salvini ka reaguar në lidhje me këtë sulm që i ka ndodhur djalit të tij, teksa e quan diçka normale në rrugët e Milanos.
“Atij i ndodhi ashtu siç u ndodh për fat të keq shumë personave në Milano. Fatmirësisht, askush nuk u lëndua”, tha ai. Fillimisht 19-vjeçari ka lajmëruar të atin, i cili më pas së bashku me policinë vendase kanë shkuar në vendngjarje.