Një protestë po mbahet përpara ambasadës së Serbisë në Tiranë. Qytetarët po tubojnë lidhur me situatën në veri të Kosovës. Protesta nisi me këndimin e himnit dhe përveç qytetarëve nga Shqipëria, ka prezencë edhe të qytetarëve nga Kosova dhe Maqedonia e Veriut.
“Ju falenderojmë që keni ardhur në këtë tubim. Është thjesht një protestë paqësore, është thjesht një organizim i organizatave të shoqërisë civile”, tha një prej organizatorëve të protestës.
Protestuesit mbajnë në duar pankarta të ndryshme. Në përgjithësi mbizotëron flamuri kombëtar shqiptar, por po ashtu ka parulla që i drejtohen ambasadës së Serbisë.