Ndërsa Amerika është përfshirë këto ditë nga stuhia më e madhe e viteve të fundit, një shqiptar ka arritur të shpëtojë tre amerikanë të gjendur në vështirësi qarkullimi.
Enea Bushati ka ndihmuar të dalë nga kanali makinën e një familje, një nënë me dy vajza që kishin ngelur të bllokuara plot 6 orë.
Në një intervistë për Euronews Albania, Enea Bushati rrëfeu se familja amerikane i kishte ofruar para pasi i kishte ndihmuar, por ai kishte refuzuar.
“S’e bëra për ndonjë qëllim të caktuar, më ofruan pagesë, por refuzova duke u thënë se nuk e kam bërë për ndonjë vlerë monetare, por e kam bërë sepse e kam ndjerë veten mirë që e kam bërë dhe do ta bëj për çdo njëri në nevojë”, u shpreh Bushati.