Eksperti i kriminalistikës, Ervin Karamuço iu ka bërë thirrje qytetarëve që të tregohen të kujdesshëm në Sheshin Skënderbej. Sipas tij, një grup grabitësish po kanosin me armë kalimtarët me qëllim për t’i vjedhur.
Reagimi i Karamuços:
Meqenëse nuk njofton Policia e Shtetit, kam detyrim moral dhe qytetar ta bëj unë. Lutem kini kujdes në Sheshin Skënderbej, sepse vijon vjedhja e qytetarëve me anë të kanosjes me armë. Megjithëse u arrestuan dy persona para 4 ditësh, një tjetër grup vijon të sulmojë qytetarët dhunshëm, duke ju marrë portofolat dhe celularët. 2 raste të reja kanë ndodhur para 1 ore.