Xhensila Myrtezaj ditën e djeshme festoi ditëlindjen e saj të 26-të. Këngëtarja bukuroshe u tregua mjaft e rezervuar në rrjetet sociale, pasi nuk ndau asnjë nga urimet që mori, madje as bashkëshorti i saj Bes Kallaku nuk bëri asnjë urim publik për të.
Megjithatë ajo postoi në rrjetet sociale disa foto ku shfaqej teksa po festonte në një vend mjaft të veçantë, së bashku me vajzën e saj Ajkën dhe partnerin Bes Kallaku. Ndonëse shumë po prisnin foto të ndonjë feste madhështore dhe me shumë drita, Xhensila zbuloi se ndodhej në kishë duke u lutur së bashku me Besin dhe Ajkën.
“Faleminderit At”, ka shkruar Xhensila në një foto ku shihet në ambientet e kishës dhe në një foto tjetër ajo tregoi se së bashku me Besin dhe Ajkën mbanin veshur këpucë të ngjashme.