2022 është viti i ngjarjeve të forta që tronditën si kurrë më parë jetën politike e jo vetëm në Shqipëri.
Zhdukja e mistershme e Ervis Martinaj i njohur si ”mbreti i bixhozit”, dënimi i ish-ministrit të Brendshëm, Saimir Tahiri, dëshmia e te penduarit Nuredin Dumani dhe inceneratorët janë padyshim katër nga ngjarjet me te përfolura dhe që tërhoqën vëmendjen e opinionit publik dhe që tronditën politikën e botën e krimit të organizuar.
Muajt e fundit Tirana ziente edhe nga hakerimi i sistemit Tims që solli shumë amulli në punën e policisë dhe rrjedhja e të dhënave personale shqetësoi qytetarët. Qeveria tha se pas sulmeve kibernetike është Irani, por shqetësimet vijojnë të mbeten, pasi askush se di me siguri se çfarë kanë në duar hakerat.
Fundin e këtij viti e dominoi edhe një ngjarje e ndodhur ne bulevard ku Gert Shehu goditi me grusht ish-kryeministrin Berisha në protestën e 6 dhjetorit. Dhjetori po ashtu do të shënonte dhe një tjetër ngjarje të rëndë, vrasjen e Edmond Papës.