Beatrix Ramosaj ka treguar se viti i ri nuk e ka gjetur pranë njerëzve të saj të dashur, pasi e ëma dhe vëllai i saj jetojnë jashtë, por këngëtarja është më e lumtur se kurrë pasi të gjithë njerëzit që ajo do janë mirë dhe të lumtur gjithashtu.
Trixa ka postuar një video ku tregon se ka gatuar thjerrëza pasi në traditën hungareze kjo patë gatuhet për vit të ri. Tutje, këngëtarja shkruan: “Jam me një buzëqeshje të madhe në fytyrë! Mami është mirë me shëndet dhe e lumtur duke jetuar ëndrrën e saj dhe timen në Florida me shokun e saj të ngushtë Feron. Albani gjithashtu po jeton ëndrrën e tij diku në Spanjë. Kushërinjtë e mi janë me familjen, të shëndetshëm dhe të lumtur. Dhe unë po shijoj jetën vetëm për ca kohë, duke gatuar për veten, duke reflektuar me shoqen e ngushtë dhe lumturinë time Bellan. P.s: Pastrova dhe lava çdo gjë, bëra pazarin dhe i jam shumë mirënjohëse Zotit për gjithçka! Kam ushqim dhe pije në tavolinë. Jam më e lumtur se kurrë! Asgjë s’më bën më të lumtur sesa të shoh mamanë time duke qeshur”.
