Mbrëmjen e sotme ka ndodhur një aksident i rëndë në aksin rrugor Bulqizë-Maqellarë. Si pasojë e aksidentit kanë humbur jetën 3 persona dhe janë plagosur 4 të tjerë. Shtetasit të cilët kanë humbur jetën janë: Kujtim Istrefi, Murat Istrefi dhe Lulzime Istrefi.
Informacion paraprak nga policia
Rreth orës 18:15, në aksin rrugor Fushë Bulqizë-Shupenzë, në vendin e quajtur ‘Ura e Gjoricës’, janë përfshirë në një aksident rrugor 2 automjete dhe për pasojë kanë humbur jetën në vendngjarje shtetasit K.I., dhe M.I. si dhe ka humbur jetën në spital shtetasja L.I.
Gjithashtu janë transportuar për ndihmë mjekësore në spital shtetaset F.I., K.M., dhe shtetasit M.L., E.L., pasagjer në automjete. Grupi hetimor ndodhet në vendin e ngjarjes po punon zbardhjen e shkaqeve të aksidentit.