Presidenti i Rusisë, Vladimir Putin ka kërkuar ndaljen e sulmit në Ukrainë vetëm gjatë Krishtlindjes Ortodokse.
Nga mesdita e 6 janarit deri në mesnatën e 7 janarit, ushtria ruse do të respektojë një armëpushim 36-orësh në Ukrainë.
Një deklaratë zyrtare nga Kremlini, e publikuar në aplikacionin Telegram thoshte: “Duke marrë parasysh apelin e Shenjtërisë së Tij, Patriarkut Kirill, udhëzoj Ministrin e Mbrojtjes së Federatës Ruse që nga ora 12:00 e datës 6 janar 2023 deri në orën 24:00 të datës 7 janar 2023, një armëpushim në të gjithë vijën e frontit në Ukrainë”.
“Duke u bazuar në faktin se në zonat e luftës jetojnë një numër i madh qytetarësh ortodoksë, ne i bëjmë thirrje palës ukrainase të shpallë armëpushim dhe t’u japë atyre mundësinë të marrin pjesë në shërbesat në prag të Krishtlindjeve, si dhe në Ditën e Lindjes së Krishtit”, thuhet në njoftim.