Kryeministri britanik, Rishi Sunak ka premtuar shumë punë dhe dëbim ndaj emigrantëve të paligjshëm.
Ambasada e Britanisë në vendin tonë u ka bërë një thirrje shqiptarëve të cilët duan të largohen drejt këtij shteti. Ambasada apelon që të mos tentohet largimi drejt Mbretërisë së Bashkuar përmes gomoneve.
Kjo për shkak se kushtet jo të favorshme të motit mund të çojnë deri në humbjen e jetës.
“Duke u përpjekur për t’u larguar nga Shqipëria për në Mbretërinë e Bashkuar mund të humbësh edhe jetën nga kushtet e rrezikshme të motit. Mos rreziko!”, shkruan ambasada në Facebook.