Alda Klosi, ish-zyrtarja e lartë e shtetit e cila ka denoncuar vjedhjen e 120 mijë Eurove nga pastruesja Rozeta Dobi, rezulton që ka në pronësi 3-4 apartamente në Tiranë. Ky fakt është bërë i ditur nga gazetari Julian Kasapi në emisionin ‘Opinion’. Ai ka treguar se këto apartamente i janë dhuruar nga gruaja e xhaxhait të saj.
“Rezultojnë në emër zonjës Klosi 3 ose 4 apartamente në zona të ndryshme të Tiranës. Këto apartamente që bëhet kjo lidhja, më parë kanë qenë në emër të gruas së xhaxhait të saj. Dhe vetëm para 1 viti këto apartamente, 3 ose 4, janë bërë me dhurim nga gruaja e xhaxhait të saj tek vetë ajo”, u shpreh gazetari Jul Kasapi.
Ish-shefes së kabinetit të ish-zv/Kryeministrit Arben Ahmetaj, Aida Klosit iu vodhën mijëra Euro dhe bizhuteri në banesën me qira në “rrugën e Kosovarëve” në kryeqytet.
Alda Klosi ka deklaruar në polici se këto para, që u gjetën në shtëpinë e Rozeta Dobit, e cila punonte pastruese tek shtëpia me qira e ish-zyrtares, ia ka dhënë xhaxhai i saj dhe do të shërbenin për kurimin e këtij të fundit pasi vuan nga një sëmundje e rëndë.