Kreu i grupit parlamentar i PD-së, Enkelejd Alibeaj hodhi hapin e parë për regjistrimin në zgjedhjet lokale të 14 majit. Mbledhja e parë e thirrur nga Komisioneri Ilirjan Celibashi për vitin 2023 parashikonte caktimin e partive që kanë të drejtë të propozojnë komisioner për betejën e pranverës dhe këtë të drejtë e mori Partia Demokratike që është e regjistruar në KQZ me firmën e Lulzim Bashës.
“Dy komision PS, 1 PSD, 2 PD, 1 Partia e Lirisë. Anëtari i shtatë ndahet me short mes Partisë Socialiste dhe Partisë Demokratike”, tha Celibashi.
Enkelejd Alibeaj krahas komsionerëve mori nga KQZ-ja, edhe konfirmim për pastërtinë e figurës së kandidatin e tij për Bashkinë e Mallakastrës Agron Kapllanaj, të cilin vijon të përndiqet e shkuara e tij si emigrant dhe një akuzë për vjedhje sa herë që ka zgjedhje.