Deputetja demokrate Flutura Açka ka reaguar ashpër ndaj vendimit të kryetarit të grupit të PD-së, Enkelejd Alibeaj për të përjashtuar nga grupi parlamentar katër deputetë që janë pjesë e krahut të Sali Berishës.
“Marrëzia e vogëlsisë. A jeni në metro? Oerd Bylykbashi, Agron Shehaj, Tritan Shehu e Belind Këlliçi i bëjnë nder çdo grupi parlamentar”, shkruan Açka.
Alibeaj vendosi sot të përjashtojë nga grupi i PD-së Tritan Shehun, Oerd Bylykbashin, Belind Këlliçin dhe Agron Shehaj, me argumentin se nuk janë distancuar nga aktet e dhunës së ndodhur një vit më parë në selinë e PD-së në 8 Janar.