Pak ditë më parë ai publikoi këngën e tij të parë. Anthony Çako djali i Inva Mulës dhe Pirro Çakos aktualisht jeton në Londër, dhe ka rrëfyer për “Wake Up” projektet e tij në muzikë.
Kënga e tij “Alive” është pritur mjaft mirë nga publiku, teksa Anthony zbulon pse ka dashur të mbajë Çako emrin e artit. “Që i vogël në shkollë më kanë quajtur njerëzit Çako, dhe më duket se babi më ka thënë që kur ishte i ri e thërrisnin Çako”, tha Anthony.
I pyetur për marrëdhëniet e tij me Shqipërinë, ai thotë se edhe pse nuk ka jetuar këtu i pëlqen të shkoj pasi ka një lidhje shpirtërore që e bën të rikthehet. “Nuk ka çfarë të më mungojë se nuk kam jetuar asnjëherë aty, po përpiqem të shkoj. Më pëlqen të shkojë, kam ndjesi shpirtërore që më bën që duhet të rikthehem, nuk kam jetuar po e kam dëshirën që të vij”, thotë ai.
Lidhur me ndonjë bashkëpunim me nënën e tij, Invën, Anthony thotë: “Do ishte kombinimin i bukur e kemi diskutuar me mamin”.