Reagimi i avokatëve të Arlind Gjokutajt pas kërkesës se Prokurorise per masen e arrestit “arrest me burg”, thekson se “Prokuroria e Rrethit Gjyqësor Tiranë në shkelje flagrante të dispozitave ligjore Kushtetuese dhe të Kodit të Procedurës Penale që kanë të bëjnë me sigurinë juridike, garantimin e një procesi të rregullt ligjor dhe të drejtat e shtetasve për moscenimin e lirisë personale pa një garanci të tillë ka kërkuar pranë Gjykatës së Rrethit Gjyqësor Tiranë caktimin e masës së sigurimit “arrest ne burg”. Kjo kërkesë e Prokurorit të çështjes është bërë pa e pyetur dhe pa e ballafaquar qoftë edhe një herë të vetme me shtetasin në fjalë me provat që Prokuroria mendon se përbëjnë akuzë.
Nga ana tjeter ata theksojne se “Këtë e provon fakti se njoftimi i Prokurorisë përmban elemente penale të pavërtetë që nuk i përkasin procedurës administrative si objekt i këtij hetimi me qëllim krijimin e një opinioni të rremë dhe trysnimin e gjykatës!
Çështja në fjalë është një proces administrativ civil që nuk ka të bëjë fare me dispozitat e Kodit Penal dhe nuk bëhet fjalë për asnjë lloj korrupsioni apo abuzimi me detyrën nga një individ i respektuar si një zyrtar i pakompromentueshëm i shtetit. Ajo në vetvete përbën ekzekutimin e një titulli ekzekutiv pa asnjë lloj përfitimi material apo çdo lloj favori tjetër”