Policia e Shkodrës ka çmontuar 21 kamera sigurie, të cilat dyshohet se ishin vendosur në shtyllat elektrike nga grupet kriminale me qëllim mbikëqyrjen e lëvizjeve të policisë për të siguruar informacionet që u nevojiteshin.
Kamerat ishin të lidhura me aparate celulare nga ku grupet kriminale merrnin informacione mbi çdo lëvizje të patrullave të policisë. Tetë prej kamerave të sigurisë ishin instaluar në vende dhe sheshe publike të Shkodrës nga aksi rrugor “5 heronjtë” deri te rrethrrotullimi i parë i bypassit të qytetit. Ndërsa 13 të tjera ishin instaluar nga rrethrrotullimi “5 Heronjtë” tek deri tek rrethrrotullimi i Dobraçit.
Vendosja e kamerave përbën veprën penale “Ndërhyrje të padrejta në jetën private”, që parashikohet nga neni 121 i Kodit Penal.