Një veprim që nuk është parë ndonjëherë në emisionet shqiptare ka ndodhur dje në emisionin e Roza Latit, “Why Not”.
Moderatorja me të ftuarën e saj, këngëtaren Kordana Kingji, ose siç e njeh publiku me emrin “Baby G”, kanë përgatitur një cigare marijuane në mes të emisionit.
Video është shpërndarë nga vetë moderatorja, ndërsa ndjekësit nuk e kanë pritur shumë mirë këtë veprim.
Në videon e shpërndarë nga Roza, ajo dhe këngëtarja kanë përgatitur në mes të emisionit cigare marijuane.
Replikat kanë qenë të shumta, ndërsa një person shkruan: “Mendoni se është edukuese?!!”
Ky ka qenë komenti i një ndjekëseje që vetë Roza nuk ka vonuar t’i replikojë duke i thënë se “Why Not” nuk është një emision edukues por argëtues.
“Why Not” nuk është emision edukues. Është argëtues. Por që japim shpeshherë mesazhe sensibilizimi përtej shfaqjes që bëjmë.”
Krahas videos së publikuar në instagram Roza shkruan: “E patë këtë Why Not me Baby G ??? Meqë te kënga e saj “its me” në fund të klipit i japin një rizel…. thamë pse jo mos ta bëjmë këtë gjë dhe në studio!”
/Gazetadita/