Nisur nga situata ku do të ketë përkeqësim të motit, bëri që ministri i Mbrojtjes, Niko Peleshi të dalë në një konferencë për mediat, kjo për të komunikuar masat që duhen marrë duke pasur parasysh përkeqësimin e motit që parashikohet në ditët në vijim.
Ministri u bëri thirrje kryesisht drejtuesve të bashkisë Shkodër dhe asaj Lezhë që të paralajmërojnë qytetarët që të qëndrojnë në gatishmëri dhe të merren masat paraprake për reshjet intensive që pritet të bien. Sipas asaj që u bë e ditur, reshje me intensitet të lartë do të ketë në Shkodër, Kukës, Dibër e Lezhë, ndërsa me intensitet mesatar reshjet do të jenë në qarqe të tjera të vendit.
Me sasinë e reshjeve të rëna gjatë të hënës nuk raportohet për situata problematike. Në Kukës, Dibër dhe Lezhë ka pasur rrëshqitje dherash apo vërshime lumenjsh malorë. Në zonat urbane, Peleshi u shpreh se situata do të varet nga mirëmbajtja që u është bërë kanalizimeve.
Në Elbasan, Vlorë dhe Gjirokastër pritet të ketë edhe reshje të shoqëruara me shtrëngata. Situata me reshjet pritet të normalizohet pas 21 janarit.