Nën kujdesin e Forumit të Gruas Socialiste Mat u organizua sot në Pallatin e Kulturës “Shefqet Doda” Burrel një takim i grave matjane me kryebashkiakun Agron Malaj.
Kryetarja e këtij forumi Suzana Pasha (Hoti) falenderoi pjesëmarreset për mbështetjen e vazhdueshme për Partinë Socialiste dhe kandidatët e saj. Ajo theksoi se falë punës dhe përkushtimin të kryetarit të Bashkisë Agron Malaj, Mati ka ndryshuar rrënjësisht. Kryetarja e FGS saktësoi se Malaj ka faktuar se është i përkushtuar për të zgjidhur në kohë reale shqetësimet e qytetarëve.
Në fjalën e tij Kryebashkiaku Agron Malaj u shpreh se ai gjatë viteve të fundit është mbështetur masivisht nga gratë e Matit dhe kjo e nxit të vazhdojë të punojë akoma më shumë për rritjen e shërbimeve të qytetarëve, duke realizuar investime jetike në këtë bashki.
Malaj përmendi investimet në ujësjellësa, rrugë, shkolla, kopshte e çerdhe, sheshe, parqe, mjedis, qendra administrative, pyje, peshkim, ngritjen e qendrës profesionale, blloqet e pallateve, objektet kulturore, duke shtuar se ai është i vendosur të realizojë gjatë mandatit tjetër investime të tjera të rëndësishme, në dobi të qytetarëve.
“Ne mbështesim Agron Malaj sepse e ka ndryshuar rrënjësisht Burrelin dhe gjithë Matin. Korrektësia, qytetaria, përkushtimi, vullneti dhe këmbëngulja e tij duhet vlerësuar dhe inkurajuar nga çdo grua matjane” – u shprehën ato.
