Këtë të martë në emisionin “Opinion” u diskutua për të pasurit dhe nëse ata paragjykohen në vendin tonë. Ergys Mërtiri ka thënë se është e vërtetë që të pasurit shikohen me zili, por ka shtuar se ka njerëz që kanë një pasuri të paarsyeshme të cilën edhe e tregojnë pa probleme. Blendi Fevziu ka shtuar se ka politikanë aq të pasur sa kur i shikon ndihet vetë varfanjak.
Ergys Mërtiri: Pyetja është; ky o vlla nuk ka problem që i del kjo gjë?
Blendi Fevziu: Nuk është kategoria që po flasim. Ky është hajdut! Është emision më vete. Hajdutët që vjedhin e që bëjnë, unë e kam thënë vetë; ka njerëz të politikës që kur unë i shoh se sa paguhem unë, sa të ardhura kam unë sidomos nga pronat, më duket vetja varfanjak. E kam thënë, por këta janë kategori tjetër nuk kanë lidhje me pasurinë.
Ergys Mërtiri: Po flisja me dikë për këtë e po i thoja, po pse e lë vajzën ta shfaqi në Instagram, dhe më tha; për çfarë i ka paratë po nuk i shfaqi. Problemi është se atij nuk i shijojnë më paratë po nuk e morën vesh njerëzit që është i pasur.