Një aksident ka ndodhur në fshatin Ostren të Bashkisë Bulqizë. Drejtuesi i automjetit ka humbur kontrollin duke dalë nga rruga ku për pasojë janë plagosur tre pasagjerët si dhe drejtuesi i automjetetit.
Aksidenti është pikasur nga banorët e zonës të cilët kanë njoftuar policinë lokale të Bulqizës dhe ambulancen të cilët shkuan në vendngjarje duke ju dhënë ndihmën e parë. Burime pranë spitalit të Bulqizës bëjnë me dije se 4 të plagosurit janë jashtë rrezikut për jetën, ndërkohë policia dhe grupi hetimor ka nisur hetimet për shkaqet e aksidentit.