Edhe deputetja demokrate, Dhurata Çupi, thotë se deputetët duhet të bashkohen me çdo kusht, për të dalë të unifikuar në zgjedhjet e majit.
Çupi tha se realiteti ka ndryshuar shumë që prej përjashtimit të Sali Berishës nga grupi parlamentar, ndaj është e domosdoshme që dy palët të bashkohen.
“Ne nuk bashkohemi të bëjmë opozitë. Ne duhet të mblidhemi, të mbetemi 52 deputetët e opozitës bashkë. Të bëhen bashkë zoti Alibeaj dhe zoti Berisha. Ka realitet të ri, nuk është më ai i viti 2021. Katër muaj para zgjedhjeve duhej të ishim sot bashkë, duke diskutuar kandidatura për 61 bashki. Duhet të mblidhemi, sepse është një moment kur asnjëri grup nuk është i qartë cili ka shumicën. Nëse do të ishim një grup i bashkuar, sot do të kishim një PD më dinjitoze. Ne jemi të qartë që Edi Ramën nuk e votojnë shumica e shqiptarëve”.