Dëmtohet rrjeti i ujësjellësit në Pogradec, 50 mijë banorë prej tri ditësh pa ujë

Dëmtimi i rrjetit kryesor që furnizon me ujë Pogradecin dhe rrethinat ka lënë pa ujë prej tri ditësh rreth 50 mijë banorë. Punimet për ndërtimin e rrugës në afërsi të Drilonit kanë sjellë çarjen e tubacionit kryesor të rrjetit, çfarë ka ndërprerë furnizimin me ujë të qytetarëve të Pogradecit dhe 5 fshatrave të njësisë administrative Buçimas. Defekti është riparuar dy herë gjatë 24 orëve të fundit,por presioni i lartë i ujit që del nga burimi, e ka çarë sërish tubacionin kryesor. Kjo ka detyruar specialistët e Ujësjellësit të kërkojnë zgjidhje të tjera,për të rikthyer furnizimin me ujë të banorëve të Pogradecit brenda kësaj të shtune./