Policia e Sarandës ka vënë në pranga autorin e djegies së autobusit të linjës Sarandë-Konispol, dy ditë më parë.
Sipas policisë ai është Sh.B., 22 vjeç banues në Delvinë. Burime jozyrtare bëjnë të ditur për tirananews.al se arsyeja e zjarrvënies ishte konkurrenca për linjën e fugonave Konispol-Sarandë.
Ndërkohë pas kontrollit të ushtruar në banesën e tij në Delvinë, policia ka sekuestruar në cilësinë e provave materiale 25 fishekë luftarak dhe një sasi fara narkotike të dyshuara si cannabis sattiva.
Lexo edhe: Digjet qëllimisht autobusi i linjës Konispol-Sarandë
NJOFTIMI I PLOTE
Sarandë
Zbulohet ngjarja e djegies së autobuzit dy ditë më parë, vihet në pranga autori.
Në vijim të punën intensive për zbardhjen e ngjarjes së ndodhur mesnatën e 10 Prillit në Konispol, për djegien me zjarr të autobuzit në pronësi të shtetases H.S, shërbimet e policisë bënë të mundur identifikimin, kapjen dhe arrestimin e shtetasit Sh.B., 22 vjeç, banues në Delvinë, i cili dyshohet të jetë autori në lidhje me djegien e qëllimshme të këtij mjeti.
Pas kontrollit të ushtruar në banesën e tij në Delvinë, policia ka sekuestruar në cilësinë e provave materiale 25 fishekë luftarak dhe një sasi fara narkotike të dyshuara si cannabis sattiva.
Materialet iu referuan Prokurorisë për veprat penale “Shkatërrimi i pronës me zjarr”, “Prodhimi dhe mbajtja pa leje e municioneve luftarake” dhe “Prodhimi dhe shitja e narkotikëve”.