Një nga momentet më të komentuara në mediat e huaja ishte “mospërshëndetja” e ambasadorit iranian Hassan Ghashghavi për mbretëreshën Letizia.
Siç dallohet edhe nga pamjet, diplomati shtrëngon dorën me Felipe VI dhe më pas vazhdon drejt daljes.
The Islamic Republic of Iran’s Ambassador in Madrid, Hassan Ghashghavi, refuses to shake hands with Queen Letizia of Spain pic.twitter.com/ae0NEODya4
— Karim Sadjadpour (@ksadjadpour) January 25, 2023
Siç raporton El Pais, që nga triumfi i revolucionit islamik të vitit 1979 në Iran, burrat nuk janë lejuar të shtrëngojnë duart në publik me individë të seksit të kundërt që nuk janë pjesë e rrethit familjar, pasi konsiderohet si krim i rëndë. Për këtë arsye, Ghashghavi shmangu përshëndetjet formale për Doña Letizia.
Nga ana tjetër, edhe Letizia nuk e shtriu dorën drejt ambasadorit.
Si përgjigje ndaj polemikave, ambasada iraniane në Madrid lëshoi një deklaratë në të cilën raporton se “kjo situatë ka një shpjegim absolutisht fetar dhe në asnjë mënyrë nuk do të thotë mosrespektim i pozitës apo figurës së një gruaje, aq më pak kur bëhet fjalë për një autoritet në niveli më i lartë i shtetit”.