Princi Harry dhe gruaja e tij Meghan Markle nuk do të mund të qëndrojnë në ballkonin e Pallatit Buckingham për të përshëndetur nënshtetasit e tyre pas kurorëzimit të mbretit Charles III. As Princi Andrew nuk mund të jetë atje. Siç zbuloi gazeta britanike The Mail, ndalimi është shtrirë për të gjithë anëtarët e familjes mbretërore që “nuk punojnë”. Domethënë, ata që nuk bëjnë aktivitete publike, nuk përfaqësojnë kurorën në ngjarje, ceremoni, takime me bamirësi. Së bashku me sovranin e ri për momentin historik, 6 majin e ardhshëm, do të jenë bashkëshortja e tij Camilla Parker-Bowles, dy vëllezërit e tjerë të Karlos, Anna dhe Edoardo, nipërit dhe kushërinjtë.
Harry dhe Meghan lanë rolet e tyre tre vjet më parë kur u larguan nga Britania për të filluar një jetë të re në Kaliforni. Sipas tabloideve angleze, Duka i Sussex-it, si djali i mbretit, do të jetë i ftuar në kurorëzimin së bashku me gruan e tij për të respektuar protokollin. Ndalimi i të qëndruarit në ballkonin e Pallatit Buckingham, mund t’a shtyjë Harryb të gjejë një justifikim për të qëndruar në Amerikë.
Për Princin Andrew, çështja është ndryshe. Ai dha dorëheqjen nga rolet zyrtare në vitin 2019 pas akuzave për abuzim seksual, të cilat ai megjithatë i ka mohuar gjithmonë. Ende nuk dihet nëse do të marrë pjesë në kurorëzimin e mbretit Charles III, megjithëse me siguri do të marrë një ftesë. Por, ai mendohet se nuk do të jetë në gjendje t’i përshëndesë nënshtetasit e tij nga Pallati Mbretëror.