Ilir Meta ka akuzuar sërish kryeministrin Edi Rama për lidhjet me ish-zyrtarin e lartë të FBI-së, Charles McGonigal. Sipas tij, kreu i qeverisë ka përdorur pozitën e tij si Kryeministër për të urdhëruar hetime ndaj kundërshtarëve politik me qëllim shkatërrimin e pluralizmit politik në Shqipëri.
Kryetar i Partisë së Lirisë konfirmoi gjithashtu mbështetjen për protestën e paralajmëruar nga Sali Berisha këtë të premte.
“Jam i sigurt që do të bashkohen dhe gjithë shqiptarët e ndershëm e patriotë e do të ketë jehonë mbarëbotërore”, tha Meta.
Më tej, Meta u shpreh se Rama është lider global vetëm për dy cilësi: për korrupsion dhe shpopullim.