Tokat e tyre u prekën nga projekti i rrugës Thumanë-Kashar, dhe këtë të dielë banorët e Bërxullës kanë dalë në protestë dhe po bllokojnë aksin e Rinasit. Ka përplasje mes tyre dhe forcave të Policisë së Shtetit.
Mësohet se banorët nuk janë dakord me projektin e qeverisë për punimet e rrugës, pasi ky plan prek edhe shtëpitë e tyre. Kjo gjë ka bërë që një numër i madh i tyre të shfaqen tejet të tensionuar edhe kundrejt policisë, duke u bërë thirrje të mos i prekin me dorë.
Ata janë shprehur se tokat e tyre nuk do i falin për oligrakët. “Këto njerëz që heshtin, neglizhojnë dhe nuk duan të vijnë të bëjnë negociata me banorët e Bërxullit, mos ta marrin kaq të letë, pasi do të rezistojmë deri në pikën e fundit të gjakut dhe kjo rrugë nuk do të ndërtohet. Ju faleminderit juve mediave, pasi ne për pushtetarët kemi vdekur”.