Ditët e fundit Policia e Shtetit ka çmontuar kamera që përdoreshin nga grupet kriminale, në Shkodër, Lushnje dhe në Fier.
Përveç Saimir Taullaut, një prej emrave që është nën hetim për vendosjen e kamerave spiune në Lushnje është edhe Kleviol Ahmetaj, i njohur ndryshe si Cllevio Serbiano.
Kjo pasi ai ka publikuar në rrjete sociale momentin kur forcat blu i çmontojnë kamerat që monitoronin lëvizjet e policisë dhe grupeve rivale.