Ministrja e Shëndetësisë, Ogerta Manastirliu dhe kryeministri Edi Rama inspektuan sot investimin në Spitalin Rajonal të Vlorës.
Kreu i qeverisë bëri të ditur gjithashtu se po vijon puna për një investim tjetër, i cili synon rritjen e kapaciteteve dhe transformimin e Urgjencës.
“Edhe një tjetër investim me standarde bashkëkohore përfundon në Spitalin Rajonal të Vlorës, me rindërtimin e Farmacisë dhe Dispancerisë së re, teksa vijon puna për një tjetër investim që synon rritjen e kapaciteteve, sistem të ri triazhimi dhe transformimin tërësor të shërbimit të Urgjencës përpara fillimit të sezonit turistik”, njofton Rama.