Drejtori i Sekretariatit të Komunitetit të Energjisë, Artur Lorkowski ndodhet në Tiranë për të prezantuar progresin vjetor të implementimin të traktatit për vitin 2022 për Shqipërinë. Gjatë takimit me Zv/kryeministren dhe Ministre e Infrastrukturës dhe Energjisë, Belinda Balluku u vlerësuan hapat përpara të vendit tonë në këtë fushë.
“Shqipëria ka pasur një progres të ndjeshëm gjatë vitit 2022 përsa i përket zhvillimit të diversifikimit të burimeve të rinovueshme”, tha Balluku.
Shqipëria edhe pse në një periudhës së vështirë ka bërë progres duke ulur humbjet teknike. Gjatë vitit 2023, prioritet është infrastruktura për ndërlidhjen rajonale.
“Theksin kryesor gjatë 2023 do të jetë zhvillimi i infrastrukturës energjetike dhe ndërlidhjes rajonale me qëllim forcimin e sigurisë energjetike si nevojë kryesore për kontinentin tonë”, tha Balluku.
“Ngritja e tregut të energjisë në Shqipëri dhe diskutuam për të pasur bursën e energjisë dhe hapat e nevojshëm për ta bërë këtë projekt të suksesshëm për Shqipërinë dhe për bashkëpunimin rajonal”, tha Lorkowski.
Në takim janë diskutuar edhe prioritetet e Shqipërisë gjatë presidencës në Komunitetit të Energjisë në vitin 2023.