Gjykata Themelore në Prizren ka vendosur që Dibran Hoxhaj, i njohur si “Kobra”, do të lihet në paraburgim deri në 3 mars 2023.
Një muaj paraburgimin është përcaktuar edhe për pesë personat e tjerë, të dyshuar për vrasjen e 31-vjeçarit Visar Cengu nga Kukësi në Prizren dhe plagosjen e një të riu.
Ngjarja e rëndë ndodhi gjatë orëve të para të mëngjesit të datës 3 janar ku Hoxhaj, pronari i lokalit “Kobra City” në Prizren, qëlloi me armë zjarri drejt automjetit me të cilin po udhëtonin tre të rinjtë nga Kukësi, duke plagosur njërin prej tyre dhe duke lënë të vdekur 31-vjeçarin.
Dibran Hoxhaj nuk është një emër i panjohur për drejtësinë pasi ka qenë i dënuar më parë për trafik droge dhe vrasje.