Investime të tjera të rëndësishme kanë nisur në qytetin e Burrelit. Kryetari i Bashkisë Mat Agron Malaj shprehet se këto ditë ka nisur puna për Unazën e Vogël të qytetit dhe së shpejti nisin punimet edhe në Sheshin “Ahmet Zogu”.
Malaj shtoi se aktualisht po punohet edhe për rikualifikimin e Bllokut nr.1 në Lagjen “Drita” Burrel.
Po sipas kryebashkiakut vetëm në fillim të këtij viti do të punohet në 15 objekte të ndryshme, rrugë, ujësjellësa, qendra administrative, etj.
Postimi i Kryetarit të Bashkisë Mat:
Vijojnë investimet në qytetin tonë.
Nis puna për rikualifikimin e Unazës në qytetin e Burrelit nga Sheshi “Kastriotët” dhe blloku i banimit “Drita”. Investimi po kryhet nga Fondi Shqiptar i Zhvillimit dhe Bashkia Mat, ky investim do të vijojë edhe me rehabilitimin e Sheshit “Ahmet Zogu”, ku do të bëhët një transformim urban i qendrës së qytetit të #Burrelit.
