Dënim me vdekje, kështu ka kërcënuar kreu i Gardës Revolucionare Islamike të Iranit, për ata që qëndrojnë pas përdhosjes së librit të shenjtë të Islamit, Kuranit në Europë.
“Sot, ne jemi rojtarët e Islamit dhe të Kuranit. Ne u themi atyre që dogjën Kuranin, ky zjarr do t’i kapë trupat tuaj dhe do t’i kthejë ato në kufoma”,-tha Hossein Salami. “Jetoni në fshehtësi nga sot dhe keni makthe çdo natë, muslimanët nuk do t’ju lënë edhe nëse kalojnë dekada”, shtoi Salami.
Një aktivist i ekstremit të djathtë nga Danimarka dogji një kopje të Kuranit jashtë ambasadës turke në Stokholm. Ditë më vonë, një udhëheqës holandez i lëvizjes së ekstremit të djathtë Pegida grisi faqet e një Kurani pranë parlamentit holandez.