Pesë të dënuar në burgun e Dubravës në Istog kanë dhunuar një tjetër të burgosur, i cili është transportuar në spital si pasojë e lëndimeve në trup.
Ndërkohë, policia ka nisur hetimet për zbardhjen e rastit në fjalë dhe shkaqeve që shtynë 5 të burgosurit të ndërmarrin këtë akt dhune ndaj një personi të vetëm.
“Lëndime trupore ka pësuar viktima mashkull kosovar- i burgosur, pasi i njëjti është sulmuar fizikisht nga pesë të dyshuar meshkuj kosovarë, po ashtu të burgosur. Viktimës i është ofruar ndihmë mjekësore. Rasti në hetime”, thuhet në njoftimin e Policisë.