Duke iu referuar mungesës së Edi Ramës në seancën e fundit parlamentare, deputeti Tomor Alizoti u shpreh se Kryeministri fshihet poshtë “tavolinës” dhe nuk e përmbush detyrën e tij në raste krize.
“Ky është nga ata që futet poshtë tavolinës. Kur ka një krizë o duhet ta përballosh o të japësh dorëheqje. Ai duhet të vijë dhe të flasë. Edhe diktatorët i mbajnë me forcë dhe përballë. Rama vetëm kryeministër që nuk është, është frikacak, një burracak. Në demokraci pushteti jep llogari para disa institucioneve. Parlamenti nuk funksionon në Shqipëri. Mediat ata që provojnë por kërcënohet. Edi Rama nuk e përballo dot detyrën e kryeministrit. Kjo është kriza më e madhe e shënuar në Shqipëri ndonjëherë. Kush mban kosto që një zyrtar i FBI është takuar me dy njerëz. Kryeministri nuk flet dhe del vetëm në disa TV sa i bëjnë qoka”, u shpreh Alizoti për “Kjo Javë”.
“Shoqëria shqiptare ka probleme të thella me demokracinë. I pëlqen më shumë të argëtohet, të shohë një cirk, se sa të merret me ekzistencën e saj. Po të ndodhte kjo në botë, do ishte bërë nami. Nuk mund të thoshte kryeministri nuk do vij në Parlament. Rama është një personazh i prodhuar nga media. Nuk përmban asnjë esence politike. Këto gafa që bën ai, është sepse nuk e njeh politikën thellë. Është një njeri që përngjan me Lady Gagën. Njeri i cirkut. Edhe media duke e bërë një njeri superstar, ai e financon. Media në demokraci është shumë dominante. Demokracia jeton nga lajmi i keq. Ato që rrezikojnë kryeministrin, ata rrezikojnë ekzistencën.”