Presidenti i Ukrainës, Volodymyr Zelensky nuk do t’i drejtohet festivalit të Sanremos me video-mesazh, por prezantuesi Amadues do të lexojë deklaratën e tij në mbrëmjen finale.
Qytetarët e Italisë u rebeluan kundër paraqitjes së Zelensky-t në konkursin më të madh të muzikës në vend, dhe peticioni i tyre që i kërkon RAI-t të heqë dorë nga përfshirja e presidentit ukrainas ka mbledhur gati 95 mijë nënshkrime.
Zv/kryeministri i Italisë, Matteo Salvini ishte ndër figurat e skenës politike që doli kundër pranisë me video të Zelensky-t në festival sepse sipas tij një konkurs argëtimi nuk ka pse të sjellë në vëmendje dhimbjen dhe luftën.