Një grua ka mbetur e lënduar si pasojë e një aksidenti rrugor. Ngjarja ka ndodhur në Tiranë në bulevardin Zhan D’Ark. E plagosura mbetet ende e paidentifikuar. Ajo u godit nga një makinë që drejtohej nga një 23-vjeçar.
“Më datë 07.02.2023, në orën 16:00, në bulevardin Zhan D’Ark, shtetasi M. A., 23 vjeç, duke drejtuar automjetin ka aksidentuar një shtetase, ende të paidentifikuar, e cila si pasojë është dëmtuar dhe ndodhet në spital, nën kujdesin e mjekëve”, njoftoi policia.
Grupi hetimor ndodhet në vendngjarje dhe po punon për sqarimin e rrethanave të aksidentit.